Acting kaise aur kaha se seekhe……
Mujhe actor/actress banna hai lekin
mujhe acting nahin aati main acting kaise seekhun ya acting kaha se seekhun?
Ye sawal kafi sare doston ne mujhse
pucha hai to aaj main batane wala hum ki acting kaise aur kaha se seekhen.
Acting ek aisa field hai jaha naam paisa aur sab kuch hai lekin ye sab pane ke
liye kadhi mehnat karni padti hai aur ye bhi zaruri nahin ki mehnat karne ke
baad kaam mil hi jaye lekin main ye nahin kehta ki mehnat karne ke baad kaam
nahin milega sab kuch aap ki mehnat par nirbhar karta hai agar aap sache dil se
mehnat karege to aapko kamyabi zarur milegi. Ab jo koi boys/girls acting ke
field main apna career banana chahte hain unko acting seekhni chahiye lekin
mujhe lagta hai ki aapko acting koi nahin sikha sakta actor/actress to hum sab
hai aur bachpan se ab tak acting karte aa rahe hain jaisa ki maine pehle bhi
bataya tha ki acting hum sab ke andar hoti hai aur bachpan se ab tak acting hi
karte aa rahe hain matlb ghar par mummy papa se jhoot bolne ki acting, kabhi
apni galati chipane ki acting kabhi apne dukh chipane ki acting to kabhi apni
baat manwane ki liye acting to kabhi apni girlfriend/boyfriend ko impress karne ki acting bus yahi to acting hai zarurat hoti
hai to usko nikharne ki isiliye maine kaha ki acting aapko koi nahin seekha sakta
jo acting hum bachpan se karte aaye hain usko nikhar zarur sakta hain aur apni
acting ko neekhara bahut zaruri hai, “mujhe apne bachpan ki ek baat yaad aa gai
jo aapse share karna chahta hun to hua yun tha ki ghar pe ammi nahin thi aur ek
kaach ka cup mujhse toot gaya ab main dar gaya ki ammi aakar ye cup toota
dekhegi to mujhe dat khane ke liye milegi aur ho sakta hai ki maar bhi khani
padh jaye lekin jab ammi aai to toota cup dekh kar pucha ki ye kisne thoda ek
pal ko laga ki aaj jo pakka maar khani padegi lein meri behan ne kaha ki ek
billi kitchen main aa gai thi to usne tod diya ammi ne baat pakki kane ke liye
meri doosri behan se pucha ki kya sach main ye cup billi ne todha to unhone bhi
keh diya ki haan ye cup billi ne hi toda lekin ammi ko shak mujhe par hi tha
kyoki main shararti jo tha lekin ammi ko hum sab ne yaakeen dila diya ki ye cup
billi ne todha” aur aaj bade hone ke baad hum ammi se ye baat batate hain ki wo
cup blli ne nahin maine todha tha. Ammi aaj bhi kaan pakadh leti hain aur wo bhi
kehti hain ki mujhe pehle hi pata tha ki cup tune hi todha tha ha hahahahaha.
Humbe acting ki apni galti chipane ki aur ammi ne acting ki sach chipane ki ha
hahaha ……
ye waqya batane ka sirf ek maqsad tha ki jo
humne kiya wahi to acting thi (comment box main aap bhi apne bachpan ki koi ek
sharart bataiye pata to chale ki aap bachpan main kitne shararti the) isiliye
kaha maine ki hum sab bachpan se hi actor hote hain isiliye kaha ki aapko
acting koi nahin seekha sakta hai. Lekin main ye nahin kehta ki is acting se hi
aap ek safal actor ban jayege is acting ko nikharna bahut zaruri hota hai
acting ko tarashna bahut zaruri hai. Ab sawal aata hai ki acting ko kaise
tarasha nikhara jaye sach kahu to uske liye aapko khud mehnat karni hogi aur
aapki mehnat ko aapke acting ke teachers ek naya rag aur ek naayi disha de
sakte hain. Acting ko tarashne ke liye acting ko nikhare ke liye aapko ek guru
ko zarurat zarur hoti.
Apni acting ko tarashne ke liye aapko
koi theatre join karna hoga wahi aapke guru aapki acting tarashne main aapki
help karege aur aap koi ek acha sa acting instutie bhi join kar sakte hain jaha
se aap apni acting ko nikhar sakte hain sawar sakte hain aur acting ki
bareekiyaan seekh sakte hain.
Mujhe lagta hai ki aapko acting school jane
se pehle ya baad main ek baar theatre zarur join karna chahiye.
Theatre ya acting school jane ke baad
bhi ye zaruri nahin ki aap ab ek bahut ache actor ban jayege bahut acha actor
banne ki liye aapko khud mehnat karni hai aapke teachers aapko ek rasta bata
sakte hain lekin us raste par chalne ke liye aapko khud mehnat karni hai aur
khud aage badhna hai.
Theatre aur acting school main sirf kuch
hi ghante aap par kaam kiya jaata hai aur waha sirf aap hi nahin ki sara waqt
aap par hi kaam kiya jaye isliye aapko ghar aakar bhi khud par kaam karna hoga
aur tab tak kaam karna hoga tab tak aap ki wo kami door na ho jaye.
Apni acting ko nikhare ke liye apne
diction par kaam kare apni body language par kaam kare dialogue delivery par
kaam kare expression par kaam kare spech par kaam kare aur bhi bahut sare topic
par kaam kiya jata hai lekin ek teacher aapko wo sab karne ka tareeka hi bata
sakta hai ki aap kaise apni acting ko nikhar sakte hain bus karna aapko khud hi
hai aap apni kamiyon ko door karne ke liye din raat mehnat karni hogi tabhi aap
ek achhe actor/actress ban sakte hain.
Aur jitna ho sake reading kare aaine ke
samne prectis kare apni acting ko nikharne ka har wo kaam kare jo aapki acting
ko achcha bahtar kare behtareen kare impressive kare.
Apni acting ko nikharne ke liye zauri
hai ki aap bollywood film aur hollywood films dekhe film ka jo scene aapko acha
lage usko khud karne ki koshish kare lekin yaad rakhe ki us actor ko copy karne
ki koshish na kare waha se bhi aapko bahut kuch seekhne ko mil sakta hai jo
aapki acting ko neekhare main aapki bahut help kar sakta hai. Aur apni bhasha
par apni pakadh majboot kare apne diction sahi kare bhasha aur distion par
pakadh banane ke liye news paper, magazine, kitaben, aur play read kare apni
aawaaz par kaam kare apni aawaz ke liye prectis kare kyokin aapne aawaz kisi
bhi dialouge ko rochak bana deti hai. Kisi bhi topic ko lekar ek scene tayar
kare aur improvise kare.
Character ko notic kare ki koi character
kaise bolta hai kaise uthta hai kaise chalta hai kaise baat karta hai matlab
maan lijiye ki aap ek politician banna hai to aapko is kirdaar ko jeevant
banane ke liye aapko ek politicianhi banna hoga aur iske liye zaruri hai ki
aapko observe karna hoga ki ek politician kaise baat karta hai kasise utha hai
kaise chalta hai kaise baat karta hai yaa maan lijiye ki aapko chor banna hai
to aapko observe karna hoga ki ek chor kaise baat karta hai kaise uthta hai
kaise chalta hai kaise aapko sab kuch seekhna hoga chor ki body language kya
hoti hai sab kuch observe karna hoga tabhi aap us chareter ko jeevant bana
sakte hain ye kaam aapko humesha karte rehna hai. Kuch naya karne ki koshish
karte rahe.
Ek baat aur kehna chauga ki jab kabhi
bhi aap acting ke field main career banane ke liye mumbai aaye to puri tayaari
ke sath aaye pure tayar ho kar aaye aur apni prectis kabhi na chore. Puri
tayari ke sath aakar mehnat kare aur apne sapne pure kare aapki mehnat main
sachchai hogi to aap zarur kamyaab hoge aur positive rahe jaldi kaam na mile to
nirash na ho aur sahi waqt ka wait kare aur jaab aapko maqa mile to us mauqe ka
sahi se fayda uthaye.
Jo log bhi acting ke field main aane
chahte hai mairi taraf se un sab ko dhair saari shubkamnaayen….
ये भी पढ़े
0 Comments